Ertu með jákvætt þungunarpróf?

0

Þá er það jákvætt. Þungunarpróf á markaði eru mjög næm fyrir hormóninu sem þau mæla svo að nú er jafnvel hægt að fá jákvætt þungunarpróf rétt áður en blæðingarnar ættu að byrja.

Það sama gildir um neikvætt próf. Ef þú ert komin fram yfir væntanlegan blæðingartíma og prófið er neikvætt þá er það neikvætt ( nema þú sért nýorðin þunguð). Þá er hægt að endurtaka prófið viku síðar ef blæðingarnar koma ekki.

Þungunarpróf er orðið jákvætt áður en hægt er að sjá þungun á leggangnasónar.

Ef kona vill staðfesta þungun með ómskoðun (sónar) þá er best að hún sé komin 6 vikur á leið, þá er oftast hægt að sjá hjartslátt hjá fóstrinu og þar með staðfesta eðlilega þungun.

Það er nánast ekkert annað en þungun sem gefur jákvætt þungunarpróf.

Ef þú ert í barneignarhugleiðingum eða ert nýorðin þunguð er mælt með því að þú takir inn fólínsýru sem er ein tegund af B vítamíni.

Mælt er með að taka 400 míkrógrömm af fólinsýru á dag. Einnig færðu fólinsýru úr ákveðnum fæðutegundum. Sjá nánar hér.

Ákveðnir hópar kvenna eiga þó að taka 10 sinnum meira.  Lesa meira um það í pistlinum „Ertu í barneignarhugleiðingum?

Share.

About Author

Ragnhildur Magnúsdóttir

Ragnhildur er sérfræðingur í kvensjúkdómum og fæðingarhjálp. Hún starfar hjá Livio Reykjavík við frjósemismeðferðir og er einnig með almenna móttöku vegna kvensjúkdóma.

Fara í tækjastiku