MMS (Miracle Mineral Solution) lífshættuleg lausn

0

Svokölluð „kraftaverkalausn“ MMS (Miracle Mineral Solution) sem hægt hefur verið að kaupa á netinu getur valdið alvarlegum veikindum og jafnvel dauða.

Þessi lausn gengur einnig undir nafninu  kraftaverkaefni (Miracle Mineral Supplement).

Í lausninni er 28% natríum klórít (NaClO2 ) sem haldið er fram að lækni marga sjúkdóma, allt frá alnæmi til berkla án þess að vísindaleg gögn liggi að baki.

Natríum klórít er eitur sem valdið getur metrauðablæði (methemoglobulinemia), skemmdum á rauðum blóðkornum og nýrnabilun.

Eitrunarmiðstöð Landspítalans hefur gefið út tilkynningu þar sem eindregið er varað við notkun þessarar kraftaverkalausnar. Mikilvægt er að tilfelli þar sem grunur leikur á eitrun af völdum MMS séu tilkynnt til yfirvalda.

 

Share.

About Author

Lára G. Sigurðardóttir

Dr. Lára er læknir og doktor í lýðheilsuvísindum. Hún er jafnframt annar höfundur bókanna "Útivist og afþreying fyrir börn" og Reykjavik With Kids."

Fara í tækjastiku